Sannatien

ye raat ke sannatein,

jo  sagar ki lehroan ki tarha shant,

magar  mann main tufan machatein hai,

khud se kayi sawaal uthate hai,

kabhi apney aap se hone ka wajood mangtein hai,

kabhi apney hone pe shak uthate hai,

jinda bhi hai,ya yu he zindagi basar kiye jatey hai,

jab raat ke sannatein mai ye din sota hai

tab mann ke andar har soya hua sawaal jagatey hai,

 kahi kuch paane pe..sawaal hai

jo na paa sake kahi uske malaal hai,

to kahi ..jo paa lia usse kho na dey..uspe bawaal hai,

kabhi ye zindagi bht bemaani lagti hai,

jaise khud ko bhi dhoka de rahe hai khush hone ka..zinda hone ka,

to kabhi kbhi ek he pal mai puri zindagi simat jati hai,

ek ek saas zinda hone ka ehsaas kra jati hai,

ajeeb hai ye sannatein bhi,

jo takdeer ne sabhi ko batein hai,

log darte hai inse,kunki ye tanhai ki nishani hai,

magar yahi to hai wo,jo ruh ki awaz mann tak phucha jatey hai,

warna din ke shor mai to na janey kitni cheekhein dab jati hai.

in sannato mai khud se milo

khud se sawaal karo,

har pal zinda ho tum ,ye ehsaas kro.

sannatein wo andhere nahi jinme tum kho jaogey,

ye to wo ujale jinme tum apne aap ko paa jaogey.

BACHPAN

kuch purane bakse tatolne ko jee chahta hai,

apna bachpan phir se jee jane ko jee chahta hai,

band bakse mai kuch khilone aaj bhi pade hai,

unhe phir se sajane ko jee chahta hai,

wo kuch alag he zamana tha,

wo budhi ka baal...or mufli ka dana tha,

or doston ko bandar kehke chidana tha,

tab dadi ke kisso ki chadar..or sapno ka takiya tha.

bagal main chanda mama,or pariyo ka phera tha.

wo copy ke panno ki khusbu,

or apne thuk se rubber ko gila karke siyahi ko mitana tha,

bohut kuch yaad ata hai,

apna bachpan phir se jee jane ko jee chahta hai,

tab jaebien khali..or dil pyaar se bhare they,

na koi ranjish thi ,na kisi ko pane ki sajish,

na zakhmo ki paymaish(pyala) thi,

na gamo ki numaish thi,

rone ki koi wjha na hoti thi,

hasne ke lakhon bhane they.

chahat thi chand ko pane ki,

dil titli ke pechey dewaaney they,

tab itne sayane na hote they,

magar padhai na karne ke dus bhane hote they,

barish mai kagaz ki kashti thi,

har mausam suhana tha,

kadi dhoop mai bhi dosto ke sath khelne jana tha,

sidiya thi angeenat sawalo ki,

or masoom si jubaan ka apna he trana tha,

jab chote the to bada hona chahte they,

daat khana nahi oro ko datna chahte they,

iss bhag daud mai ye bachpan kahi phisal gaya,

phir se isse pane ko jee chahta hai,

wo dadi ki godi,wo maa ki daat khane ko jee chahta hai,

apna bachpan phir se jee jane ko jee chahta hai,

khushi ki khoj

jise dekho badal mai kho jata hai,

taro par chad jata hai,

kya dharti ka angan kam pad gaya,jo aasma pe phuch jata hai.

har koi tohfe mai chand he kyu chahta hai,

jabki dharti pe khila har phool usse swarg bnata hai,

kyu nahi dekh pata insan wo bahar ka pehla phool,

wo sawan mai nachta mor,

wo lehlahati peeli sarso,

asli khushi us aasman se uska chand mangne mai nahi,

dharti ki gode mai beth kar usse takne mai hai,

khushi ka ehsaas he kisi ko khush karne mai hai,

girte ko sahara dene mai,

chaar pal hans ke bitane mai hai,

thaka lautne pe uss nanhi se jaan ko hasta dekhne mai hai,

vidayi ke aansuo mai bhi ek khushi chupi hoti hai,

khushi mercedes mai ghumne ki nahi,

apni sathi ka hath thamne ki hai,

resturant mai mehanga khane khane ki nahi,

kisi ke sath sada khane banane mai hai,

ccd mai coffee pene ki nahi,

uss dost ke sath kuch pal bitane ki hai,

yahi to hai asli khushiyaan jo jindangi ko haseen kar jati hai,

hamare jinda hone ka ehsaas dila jati hai,

insaan itna gum hai andhi chmak mai,

ki andhero mai khudko khoj nahi pata,

kya hai aisa ,jise wo dar dar dhundta hai,

andar he andar apne mann ko nauchta hai.

kya hai asli khushi ye samajh nahi pata.

dunia mai bohut se jhol jhamele,mantar hai.

jinda hone mai or jindangi ko jeene mai bht antar hai.

TUJHKO KAISE MAI BHULA DU...

Tujhko kaise mai bhula du,

Kis kis hisse se tera naamo nishan mita du,

Tere yadien kahi chod du,

Tere diye hue tohfe tode du,

Magar khud se kaise muh mode du,

Jab jab dekha hai khudko aainey mai,

Har wakt tujhko khud mai paya hai,

Mere dil mai rehkar mere aankhon se jhakta hai mujhko,

Kaise dil ko dhadkna bhula du,

Kaise tujhko mai bhula du,

Sochti hu tujhko kahin peeche chod aayu,

Tere har yaad se nata tode aayu,

Magar kahan chod aayu ye sab,

Tu koi samaan na tha,

Tu to wo imaan tha,jiske sadke mai sir jhukaya tha,

Khud ko kho kar tujhko paya,

Kaise tujhko mai bhula mai du,

Har ek baat pe yaad aa jata hai,

Shararto pe wo datna,

Bheed mai mera hath thamna,

Tera mujhe chup chup ke takna,

Kaise wo chubti nazar bhula du,

Kaise tujhko mai bhula du,

Dil dhadkane ka ehsaas tu tha,

Jeeney ki aas tu tha,

Hothon ki hassi,in aankhon ka pani tu tha,

Kaise ye sab kuch bhula du,

Kaise tujhko mai bhula du,

Mera mann mujhse haar gaya hai,

Har jatan bekar gaya hai,

Ab tu he batla mujhe,

Kaise tujhko mai bhula du.

Khwaishein

Ye raat ka smaah

Ye taraon ki barat

Ye behti hwa or roshni ka sath

Or tere yu mere hatho mai hath,

Sab kuch ek sapna sa hai,

Yu to roj he raat ati hai,

Magar ye raat kuch gungunati hai,

Mere ankho ka kjal bhi kuch keh jata hai,

Or is kalak ki siyahi se ek sunhera rang bna jata hai,

Or tu bhi mere bin bole he mere ankho se sab samjh jata hai,

Kya hai ye,jo tere mere bech hai,

Kbhi bin kuch kahe he bht kuch keh jata hai,

To kabhi bht kuch kehne pe bhi kuch samjh nhi pata hai,

Ek he pal mai 7 janmo ke wado kar jate hai,

To kabhi agle he pal,peche bitaye lamho ko jutha kar jata hai.

Magar aaj is raat mai kho jane ko mann krta hai,

Jindangi yun he tre bahon mein gujar jane ko mann krta hai,

Tujhse tarein nhi tudwana chati

Nahe chand ki khwaish rakhti hu,

bas tre sath pyar ke do pal gujarne ki farmaish krti hu

Janti hu itni asaan nhi hai jindangi,

Kbhi uljhano ko suljha dete hai,

To kbhi suljhano ko uljha dete hai,

Na bohut se tohfe chaiye mjhe,

Bas do pal tre yadaon mein ana chaiti hu,

Ac gadi main bhi nhi ghumna chati hu,

Bas in barish ki boondoien mai tre sath bheegna chahti hu,

Apne sapno ke ghar ko apne mann ke rango se rangna chahti hu,

Or yu he ye jindangi tre sath gujarna chahti hu,

MUMBAI

ek jana pehchana seher,

phr bhi sabke liye naya hai,

sabki umeedo pe khda hai,

kisi ne surkhiyo mai pda ,to kisi ne spano mein jada hai,

har seher ki yu to kuch baat hai,

magar janaab is Mumbai ki jaan,

kisi bjaar,kisi imarat ya kisi filmi sitare mai nahi….

Ruh ko  sukh dene wali ek nanhi pyaali..cutting chai mai hai,

Ye sirf chai nai..kisi bhuke ki bhook ko mitane ka tareka,kisi thake ka sahara.ek nya ujala,

Kisi hare hue ki nayi rah..or zindangi ka,un choti choti chuskiyo mai flashback dekhne ki chaah hai.

Iske naam ke apne hi kisse hai,

Har kisi ki jbani ek nayi khani,kisi ne kha puri na pee paye to kaat di,

To kisi ne jab sath mile to baat li,par jab jab kati..jab jab bati

To ek rishta bna dia..kabhi atkhelio pe hasaya to kbhi purane kisso pe rula diya,

Or kuch nahi to ek dost he bna dia,

Nukkado ki un choti dukanno pe ek.smaah bandha gai,

Ab wo dukaan nai..doston ka adda hai,or ye cutting ab dosto ke milne ka mudda hai.

Yha ki dunia raftaar bhari hai,yha jo gir ke tute gya unke liye zameen tak nahi.

Or jo gir ke phr chal diye unke liye akash bhi kam hai,

Ye to unke liye hai jo girte hai uss jharne ki traha ..jo mitti mai mil kar bhi apne aap ko khatm nhi hone deta..chattano se takrane ke darr se behna nai chod deta,

yha bacha chalna nahi daudna seekhta hai,

kunki chalne wala daud mein kha jeetta hai,

bhaagne mai itna masroof hai aadmi,ki bhagte bhagte ek umar bita jata hai,

or yuhi kabhi jab ek cutting pene…apni thkan bhulane ..or dosto se milne ata hai..tab ek umar nikal jane ke bad,ek choti se dukan pe chai ki chuskiyo mai ye samjh pata hai…

ZINADANGI WO HAI JO HUM JEE RAHE HAI,WO NAHI JO HUM SOCHTE HAI.

Samajh nahi ata kis ki parshansha karu,

Uss insane ki jo aasman mai latka isse bulandio pe leja rha hai,

Ya uski bare main kahu,

Jo gareeb,vivash insaan keede se battar jindange jiye jar ha hai,

Dunia ne kangoora dekha,par nEev ko nai dekha,

Chamchamti uchi minaro ko dekha,

Ac gadi mai bethe nwabo ko dekha,

Magar un gareebo ko kaun puchta hai,

Jo dhool mai lipta,dhoop se jalta,

Ye imarte bnata hai,

or pal pal jindingi jeene ka mulye,

Apne prano se chukata hai,

Kya hai asli Mumbai kaun iska theka lega,

Jo anitiyat ki katha kahe ,vyatha kahe,

Or shabdo ke yagya mai,manush ka kalsh rahe,

Kaunsa sa chitrkar rango mai doob kar iski asli tasveer banega,

Ek awaj uthi ..to kal use dabba dia jayega,

Or phr ek bar khun ke chape se kavi ka ghar rang jaega,

Magar shor mai cheekhe kha sunai dete hai,

OR YE KYU BHUL JATA HAI INSAAN IS CHAMAK DHAMAK MAI,

KI DEEPAK CHAHE KITNA HE TEJ JALE,USKE TALE MAI HMESHA ANDHERA HE AYEGA

aprajita chaudhary

ek jana pehchana seher, phr bhi sabke liye naya hai, sabki umeedo pe khda hai...

2:38 AM (0 minutes ago)

|

Wo Pehle Mulakat

aaj bhi taja hai wo pehli mulakat,

jab khud ko kho ke maine tujhko paa liya tha,

yaad banke use maine jehan mein kahin khone na diya,

baki kisso ki traha usko basi hone na diya,

ek haseen ehsaas tha wo,

yu to sabhi they mere pass,

par tu mila to laga jaise kuch adhoora tha jo pura ho gaya,

uss ek he pal mein kitne he jazbaat they mann mein,

ek khushi thi jise mere sharm ne Dhaka tha,

or ghabhrahat ne kuch kehne na dia tha,

udd rahi the sapno ke pankh lagaye,

mano jase khuda jannat zamein pe le aaye,

tumse najar bacha ke tumhe dekhte they,

apne khawbo ko pura hota dekhte they,

mere khwabo ki tabeer tha tu,

mera khuda mera allah mere jaan tha tu,

tumne jo hath mein hath liye  wadein kiye they,

mere liye to jase saat phere liye they,

har phere ki ek kasam thi or use nibhane ki ek rasm thi,

na jane kya hua tha,

dunia palat gayi thi ya mere nazrein badal gayi thi,

par kuch to tha,

garmi ki dhoop na jalti thi,na sardi ki thand padti thi,

bas ek ehsaas jinda tha tere sath hone ka,

hawaein bhi kaano mein kuch keh jati,

tanhai mein mjhe ched jati,

chand kabhi itna pyara na lgaa tha,

na kabhi chandni ki thandak ka ehsaas kia tha,

tujhse mile to sab samjh aa rha tha tha,

chand ka chandni se milna,

baharo mein phool ka khilna,

tarraon ki barat ka chalna,

ghadi ki tik tik mein bhi sangeet sa lagta tha,

or ye mann bhi kuch bechain sa lagta tha.

Mann

baadlo ke paar jane kya takta hai,

apne he khyalo main bhatkata hai,

mere dil se bhi ladta hai,

dono he mere hai,mann ko manu to dil ruth jae

dil ki sunu to mann na mane,

khud se he ladne ko majbur kar deta hai,

to kabhi kis or par mir mit ta hai,

kabhi barf ke gole pe,

kbhi salmaan ke dole pe,

kitni baar sambhalu ise har baar hath se fisalta hai,

na jane kitne sapne sajata hai ,

pal bhar mein bdal jata hai,

abhi khush hai to agle he pal udas ho jata hai,

log  puchte hai mujhse aise kyu hu mein,

or uspe mera jwab yahi hota hai…..

MERA TO MANN HE AISA HAI

MAA....(Dedicated to my loving mom)

kehne ko to ye shabd bohut chota hai,

par iske maayne utne he badien,

tu mere liye kya hai tujhe kabhi bta na pyungi,

par tu maa hai, mere ankhon se sab samjh jaege,

mere jindangi ko apna tajurba diya hai tune,

or mere udaano ko pankh,

bohut baar mann hua…

kabhi tujhse lipat ke roo jau,

apne mann ki har ek bat keh jau,

kabhi dost banker apne kisse btau,

mujhe kaun pasand hai tujhse na chipau,

to kabhi apni shrarto se tujhe satau,

to kabhi ek beti banker tera naam kar jau,

tej dhoop mein tere aanchal mein chip jau,

yaad hai mujhe…bachpan se leke aaj tak mere dost rahi hai tu,

mere har musibat mein mere sath ladi hai tu,

kabhi daat ke samjhaya to kabhi pyaar se,

mere bimari mein raat bhar jagi hai taki mein aram se so jau,

mere shaadi ka soch ke mere gale lag jate hai,

“MAI KAHIN NA JAYUNGI” mere ye kehne pe kehti hai,

“TUJHE PASS BHI NA RAKH PYUNGI, LAADO”  

Na jane kitni baar mere liye papa se ladi hai,

Apni he bat pe  adi hai,

Tu mere liye sab kuch hai…

Mere wo dharti hai jispe pe chalti hu bina dar,

Or wo aasman jisme udti hu befikar.

Unpredictable love

ek wakt tha ghanto intejaar kiya karta they,

tere aane ki rah taka karte they,

ek tere aahat se dil ki dhadkan thum jati thi,

or chehre pe bina baat he muskaan aa jati thi,

taraon (star) se tere batein karte karte raat kat jati thi,

or suraj ko chidate they,tu to dub jata hai

par wo hamesha mere andar kahi jagmagata hai,

tab ye malum na tha kachi dor se ye rishte yu he tute jate hai,

ek phone na ane par jhagda kar jate hai,

or bad mein pachtate hai ,kyu ladi mai

phir sochte hai dus bhane unhein manane ko,

par wakt ke sath sab badal jata hai,

shabdo mein bayaan na ho pane wala pyar ek msg mein simat kar reh jata hai.

Ab to ye alam hai ki,

Yaadon se dur jate bhi nahi,

or hakkekat mein pass aate bhi nahi,

Oro ke liye rehte hai rat din,

Hmare liye muskrate bhi nahi.